അരൂക്കുറ്റി
ഗ്രാമ പഞ്ചായത്ത്

അരൂക്കുറ്റി പഞ്ചായത്തിനെയും പെരുമ്പളം ദ്വീപിനെയും ബന്ധിപ്പിക്കുന്ന അരൂക്കുറ്റി–പെരുമ്പളം പാലം 2026 മാർച്ച് 7-ന് കേരള മുഖ്യമന്ത്രി പിണറായി വിജയന്‍ ഉദ്ഘാടനം ചെയ്ത് നാടിന് സമർപ്പിച്ചു. പതിറ്റാണ്ടുകളായി പെരുമ്പളം നിവാസികൾ കാത്തിരുന്ന സ്വപ്ന പദ്ധതിയാണ് ഈ പാലം. വേമ്പനാട് കായലിന് കുറുകെ നിർമ്മിച്ച പാലം ദ്വീപിനും കരപ്രദേശത്തിനുമിടയിൽ നേരിട്ടുള്ള റോഡ് ഗതാഗത സൗകര്യം ഒരുക്കി.

ഏകദേശം 1157 മീറ്റർ നീളവും 11 മീറ്റർ വീതിയുമുള്ള ഈ പാലം കേരളത്തിലെ ഏറ്റവും വലിയ കായൽപ്പാലങ്ങളിൽ ഒന്നാണ്. പാലം നിലവിൽ വന്നതോടെ വിദ്യാഭ്യാസം, ആരോഗ്യം, തൊഴിൽ, വ്യാപാരം, ടൂറിസം തുടങ്ങിയ മേഖലകളിൽ പെരുമ്പളത്തിന്റെ വികസനത്തിന് പുതിയ വഴിത്തിരിവായി. വർഷങ്ങളായി ബോട്ട് സർവീസുകളെ ആശ്രയിച്ചിരുന്ന ജനങ്ങൾക്ക് സുരക്ഷിതവും വേഗമേറിയതുമായ യാത്രാസൗകര്യമാണ് ഇതിലൂടെ ലഭ്യമായത്